tag:blogger.com,1999:blog-1530116709360646252012-02-17T06:35:39.658+05:30వీజెhttp://www.blogger.com/profile/17597704816278800182noreply@blogger.comBlogger41100tag:blogger.com,1999:blog-153011670936064625.post-44662186744659334662010-03-07T00:31:00.026+05:302011-09-23T00:25:47.986+05:30ఎలాగైనా పెళ్ళి చేసుకోని , పెళ్ళి కాలేదనే నెపంతో నన్ను అవహేళన చేస్తున్న సోకాల్డ్ సభ్యసమాజపు అసభ్య జనాలకి గుణపాఠం నేర్పి , ఒక బ్రహ్మచారిగా నేనెదుర్కొంటున్న సామాజిక వివక్షని కూకటి వ్రేళ్ళతో పీకేద్దామని నిర్ణయించుకున్నాను ... <br /><br />ఎప్పటిలాగే , ఆవేశంలో నిర్ణయమైతే తీసుకున్నాను గాని , తరువాత ఏమి చెయ్యాలో పాలు పోలేదు .. <br /><br />ఇలాంటి క్లిష్టమైన నిర్ణయం తీసుకునేముందు , అసలు " పెళ్ళెందుకు ? " అని ఒక్కసారి ఆత్మవిమర్శ చేసుకోవాలి అనుకున్నాను.. అనుకుందే తడవు " What Do you say Dude ? " అని అడిగాను నా ఆత్మారామున్ని ..<br /><br />" నాకేం తెలుసు బే ? ముందటి బెంచీ వాడికే గతి లేక క్వశ్చన్ పేపర్‍ని తిరగ రాస్తుంటే , వెనక బెంచీ వాడు ఆన్సర్ చూపించమని అడిగినట్టుంది .. అవతలికి పో " అని మర్యాదగా మందలించాడు ఆత్మరాముడు ...<br /><br />ఎమీ తోచక తల పట్టుకు కూర్చున్న నన్ను , మా కొలీగ్ హేమలత పరామర్శించింది ... విషయమంతా పూసగుచ్చకుండానే చెప్పాను ...<br /><br />విషయమంతా విని , " ఇంకెన్ని రోజులు చేతులు తడుపుకుంటావు విజయ్ ??? నా మాట విని ఇంట్లో వాళ్ళు చూపించిన అమ్మాయిని చేసుకొని సెటిలైపో ?? " అంది నిట్టూరుస్తూ ..<br /><br />" చేతులు తడుపుకోవడమేంటి ??? కాల్చుకోవడం కదా అనాల్సింది " అన్నాను మొహం చిట్లిస్తూ .. <br /><br />ఇంతలో , " ఏంటబ్బా ? ఎంటీ సంగతులు ? " అంటూ సీన్‍లోకి ఎంట్రీ ఇచ్చాడు మా టీమ్‍మేట్ సుబ్బారెడ్డి ...<br /><br />" ఆ .. రా ..రా .. సుబ్బారెడ్డి ... మంచి టైముకొచ్చావ్ " అంటూ ఆహ్వానించిన హేమలత వాయిస్ , మద్యాహ్నం ఆకాశవాణి రేడియోలో ప్రసారమయ్య్యే " పాడిపంట " ధారావాహికలో "రంగమ్మ" క్యారక్టర్‍ని తలిపించింది ..<br /><br /> " సుబ్బు , పెళ్ళయిన నువ్వైతే సరిగ్గా చెప్పగల్గుతావు ..కాస్త మన విజయ్‍కి పెళ్ళెందుకు చేసుకోవాలో అర్థమయ్యేట్టు చెప్పు" అంది హేమలత ముసిముసిగా నవ్వుతూ ..<br /><br /> " పెళ్ళికి ముందు హోటల్ తిండికి బాగా గ్యాస్ ప్రాబ్లమ్ ఉండెదబ్బా నాకు .. పెళ్ళి తరువాత మా ఆవిడ వంటకి దెబ్బకి తగ్గిపోయింది .." అన్నాడు సుబ్బారెడ్డి , త్రేన్చుతూ ..<br /><br /> " వాట్ డు యూ మీన్ ??? నా జీవితానికి సంబంధించిన " పెళ్ళి చేసుకోవాలి " అనే అత్యంత కీలక నిర్ణయాన్ని , నాకున్న గ్యాస్ట్రిక్ ట్రబుల్ ,నోటిపూత, సెగ్గడ్డలు వంటి మున్నగు ఆరోగ్య సమస్యలని ప్రాతిపదికగా చేసుకోని తీసుకోమంటావా యేంటి ? నెవర్ ... " అని వాళ్ళ మాటలని , నాకొచ్చిన ఇంపార్టంట్ అఫీషియల్ మెయిల్‍ని పట్టించుకోకుండా గూగుల్ టాక్‍లో చాట్ చేయడములో నిమగ్నమయ్యాను ..<br /><br />ఇలా ఐతే విషయం తెగదని , పుస్తకాలు మంచి స్నేహితులనే విషయం గుర్తొచ్చి , సికింద్రాబాద్ రైల్వే ప్లాట్‍ఫారం మీద కొన్న " ౩౦ రోజుల్లో పెళ్ళి చేసుకోవడం ఎలా ?" బుక్ చదవడం మొదలెట్టాను ...<br /><br />ఆలుమగల మధ్యన అనుబంధం " పైజామాలో నాడాలా , విస్తరాకులో చీపురు పుల్లలా పెనవేసుకొని ఉండాలి " లాంటి నగ్నసత్యాలతో పాటు ,పెళ్ళి చేసుకోబోయే బ్రహ్మచారులకి చక్కటి చిట్కాలు ఇచ్చారు పుస్తకంలో రచయిత కటుకోజు బ్రహ్మచారి గారు ...<br /><br />ఆ చిట్కాల పరంపరలో , " ఎవరైనా సరే, పెళ్ళి చేసుకోవడానికి ఒక బలమైన కారణముండాలి .. ఎవరికివారు దాన్ని వెతుక్కోవాలి అని రాసుంది " ... ఆ కారణమే తెలిస్తే ఈ దిక్కుమాలిన పుస్తకం చదవాల్సిన అవసరమేందిరా నాకు ? అనవసరంగా 5౦ రూపాయల బొక్కెందుకురా బ్రహ్మచారిగా ?? అని తిట్టుకుంటూనే మిగతా చిట్కాల జాబితాని చదవడం కొనసాగించాను ..<br /><br />ఇండియాలో , వివాహితులైన ప్రజల మీద తాజాగా జరిపిన సర్వేల ప్రకారం , ప్రజలు తాము పెళ్ళి చేసుకొవడానికి చెప్పిన కారణాలను విశ్లేశిస్తే , అతి ముఖ్యమైనవి నాలుగు రకాలని తేలాయి ... అవి ..<br /><br />1. శృంగారం (80%) 2. సంతానం(పిల్లలు)( 10%) ౩. డబ్బు ( కట్నం)( 8% ) 4.సాంగత్యం( తోడు - నీడ ) ( 2% )<br /><br />అన్ని ఆప్షన్స్ బాగానే తోచాయి నాకు ... ఏది ఎన్నుకోవాలో అర్థం కాక , పై నాలుగు ఆప్షన్స్ తో నాలుగు చీటీలు రాసి , కలబెట్టి వేసి , అందులో నుండి ఒక చీటిని కళ్ళు మూసుకొని తీశాను .. తెరిచి చూస్తే , అధిక శాతం జనాదరణ వున్న ఆప్షన్ గల చీటీ వచ్చింది .... " గుంపులో గోవిందులా ఉండలేని నా మనస్తత్వం " నన్ను తీవ్రంగా మందలించింది ...<br /><br />ఏం చేయాలో తోచలేదు కాసేపు ... తళుక్కున ఒక ఆలోచన మెరిసింది .. వెంటనే చీటిలను చించి అవతల పారేసి , పంటలేసాను , నేనున్న గది మారుమ్రోగేలా ..."థూ , యెదవ .. నాలుగు ఆప్షన్లున్న ప్రశ్నకి పంటలేసి జవాబెతుక్కునే యెబ్రాసి మొహమూ నువ్వునూ " అన్న నా ఆత్మారాముడి తిట్టు మారుమ్రోగింది ఈ సారి గదిలో ....<br /><br /> సైలెంటయిపోయాను కాసేపు ... చేసేదేమి లేక , ఎప్పటిలాగే జీవితానికి సంబంధించిన కీలక నిర్ణయాలని కుటుంబ సభ్యులకే వదిలేసినట్టు , నా ఈ పెళ్ళి సంగతిని కూడా పెద్దల నిర్ణయానికే వదిలేశాను ..<br /><br />నేను తీసుకున్న ఈ నిర్ణయానికి ఉక్కిరిబిక్కిరికి గురయ్యి , ఆనందం పట్టలేక , మిట్టమద్యాహ్నమనే విషయం మరచిపోయి రెండు చిచ్చు బుడ్లు . నాలుగు కాకరొత్తులు కాల్చారు మా ఇంట్లో వాళ్ళు ...<br /><br />పొద్దున్నే వచ్చే పాలవాడి దగ్గ్గరి నుండి , రాత్రికి గస్తీ తిరిగే నేపాలి గూర్ఖ వరకు కనబడిన ప్రతీ ఒక్కడిని " మా అబ్బాయికి పెళ్ళి చేయాలనుకుంటున్నాము , మీకు తెలిసిన పిల్ల ఉంటే చెప్పండి " అంటూ అర్జీ పెట్టుకోవడం మొదలెట్టారు మా ఇంట్లోవాళ్ళు ...<br /><br />పెళ్ళి బ్రోకర్లకు , అమ్మాయి తరఫునోళ్ళకు ఇవ్వాలనిచెప్పి , నన్ను దగ్గర్లో వున్న ఫోటొ స్టూడియోకెళ్ళి , పూలకుండీ పక్కన నిలబడి ౩ రకాల ఫోజులతో ( క్లోజప్ , మీడియం , లాంగ్‍షాట్ ) ఫోటోలు తీయించుకు పంపమని అడిగారు మా ఇంట్లోవాళ్ళు... అందుకు నిరాకరించిన నన్ను , క్రింది ఫోటోలో ఫోన్ పట్టుకు కూర్చుంది నేనే అని చెప్పి , ఫోటోలు పంచిపెడతామని బ్లాక్‍మెయిల్ చేశారు ... <br /><br /><a onblur="try {parent.deselectBloggerImageGracefully();} catch(e) {}" href="http://2.bp.blogspot.com/_vr3Zi5F-DoY/S5KoDHJV3nI/AAAAAAAADDY/r6cM2cWKGOw/s1600-h/funpic.jpg"><img style="display:block; margin:0px auto 10px; text-align:center;cursor:pointer; cursor:hand;width: 206px; height: 320px;" src="http://2.bp.blogspot.com/_vr3Zi5F-DoY/S5KoDHJV3nI/AAAAAAAADDY/r6cM2cWKGOw/s320/funpic.jpg" border="0" alt=""id="BLOGGER_PHOTO_ID_5445599670855655026" /></a><br /><br />ఏరియల్ వ్యూ తో కలిపి మొత్తం నాలుగు రకాల ఫోజులతో కూడిన ఫోటోలు దిగి పంపించాను ...<br /><br />సరిగ్గా 4 రోజుల తరువాత , వరంగల్ జిల్లాలో ఒక మారుమూల ఊరిలో మా దూరపు బంధువుల తాలూకు అమ్మాయి ఉంది , చూడటానికి వెళ్ళాలని , వెంటనే ఇంటికి రమ్మని కబురు పంపారు మా ఇంట్లోవాళ్ళు ... పళ్ళెటూరమ్మాయి అయితే మాత్రమేంటి ? రోజా సినిమాలో అరవింద్ స్వామి అంతటోడు పల్లెటూరమ్మాయయిన మధుబాలని చేసుకోలేదా ? ఆమె మాత్రం క్లైమాక్స్ లో మొగుణ్ణి కాపాడుకోలేదా ఎంటీ ? అని నాకు నేను ధైర్యం చెప్పుకొని బయలుదేరా ..<br /><br />జనాలతో క్రిక్కిరిసిన గదిలో ఇనుప చైరేసి కూర్చోబెట్టారు నన్ను .. సెక్స్ స్కాండల్‍లో పట్టుబడ్డ స్వామీజిని చూడటానికి వచ్చిన భక్తజనంలా తండోపతండాలుగా తరలివచ్చారు జనాలు నన్ను చూడటానికి ... చాలా ఇబ్బందిగా ఉన్నా చిరునవ్వుని చెరగనీయలేదు మొహం మీద ... నా పుట్టుపూర్వోత్తరాలు , పుట్టుమచ్చలతో సహా ప్రతీ విషయం అడిగి తెలుసుకొంటున్నాడు పిల్ల మేనమామ.. ఒక వైపు మా అమ్మమ్మ పిల్ల తండ్రిని తమ వంశవృక్షాన్ని ఒక ఫ్లోచార్ట్ గా గీసి భాగాలు గుర్తించమని వేపుకుతింటోంది ... ఇంతలో అమ్మాయిని తీసుకువచ్చి నా ఎదురుగా కూర్చోబెట్టారు ... చుట్టుపక్కలున్న అమ్మలక్కలు నన్ను చూసి ముసిముసిగా నవ్వారు , రిథమిక్‍గా ... సిగ్గుతో నా కాలి బ్రొటన వేళితో నేనేసిన ముగ్గుకి , క్రిందున్న కార్పెట్ కొద్దిగా చిరిగింది ... అమ్మాయిని చూద్దామని తలలేపా ... తలదించుకొని కార్పెట్‍కున్న దారపు పోగులని పీకుతుంది అమ్మాయి .. అంతగా తల దించుకునే పనేంచేసిందోనన్న అనుమానం నన్ను క్రుంగదీసింది కాసేపు ...<br /><br />" తలెత్తి అబ్బాయిని చూడమ్మా .. " అన్న మా అమ్మమ్మ మాటకి ఉలిక్కిపడి , లేచి , నన్ను చూసింది అమ్మాయి ... ఈ సారి తలదించుకోవడం నా వంతయ్యింది , సిగ్గుతో ... కాసేపు చూపులు ఇచ్చిపుచ్చుకోని , కళ్లతో నవ్వుకున్నాం ..<br /><br />"అమ్మాయిని ఎమన్నా అడగరా ? అలా బెల్లంకొట్టిన రాయిలా కూర్చుంటావేంటి ? " అన్న మా అమ్మమ్మ మాటలకి , ఉలిక్కిపడి లేవడం నావంతయ్యింది ఈ సారి ... <br /><br />సడన్‍గా ఏమడగాలో తోచక , " టైమెంతయ్యింది .. " అనడిగా తత్తరపాటులో .. అమ్మలక్కలతో సహా అమ్మాయి కూడా పగలబడి నవ్వింది నా ప్రశ్నకి ... సిగ్గుతో కూడిన అవమానంతో ఇంకాస్త చించా కార్పెట్‍ని కాలి వేలితో ..<br /><br />కాస్త ధైర్యం తెచ్చుకోని " మీరు సినిమాలు చూస్తారా ? " అనడిగి , మా అమ్మమ్మకేసి చూశా .. " నీకున్న సినిమాపిచ్చి అందరికీ తెలవాలట్రా కటౌట్ యెధవ " అన్నట్టూ చిరాగ్గా ఒక చూపు చూసింది నన్ను ..<br /><br />" చాల తక్కువండీ ... భక్తి రస సినిమాలైతే బాగా ఇష్టంగా చూస్తాను ... " అంది మొహం మీద పడుతున్న ముంగిరిలు సవరించుకుంటూ ...<br /><br />" అవునా ... మీరు రీసెంట్‍గా చూసిన భక్తి సినిమా ఎంటండీ " అనడిగాను రెట్టించిన ఉత్సాహంతో ..<br /><br />" పాండురంగడు " అంది తలదించుకొని ...<br /><br />" పాండురంగడా ????????? నేనడిగింది భక్తి సినిమా గురించండీ , బూతు సినిమా గురించి కాదండీ .." అనన్నాను కాస్త చిరాగ్గా ..<br /><br />" నేను చెప్పింది అదేనండీ ... బాలక్రిష్ణ హీరోగా వచ్చిన పాండురంగడు సినిమానండి , మొత్తం మా ఫ్యామిలీ కలిసి చూశాము " అంది గోముగా ..<br /><br /> అప్పటివరకు కోలాహలంగా వున్న గది నిశ్శబ్ధంగా మారింది ... మా ఇంట్లోవాళ్ళు ఒక్కరొక్కరుగా బయటికి వెళ్ళిపోయారు .. మారుమాట్లాడకుండా నేను మా వాళ్ళని ఫాలో అయ్యాను ... <br /><br />ఒక నెల గడిచింది ... పాండురంగడు ఎపిసోడ్ తరువాత మల్లి పెళ్ళి మాట తియ్యడానికే భయపడ్డారు మా ఇంట్లోవాళ్ళు ... ఈ సారి కాస్త చదువుకోని , ఉద్యోగం చేసే సిటీ అమ్మాయిని చూడమని చెప్పాను మా వాళ్ళకి ..ఉద్యోగ రీత్యా నేను పూణెలో ఉంటాను ... పూణెలోనే ఉంటూ ఉద్యోగం చేస్తున్న అమ్మాయి ఉందని , వివరాలన్ని నాకు మెయిల్ చేశాడు నా మేనమామ ... అమ్మాయి మొబైల్ నంబర్ తీసుకొని కాల్ చేసి మాట్లాడి , వీకెండ్ కలుద్దామనుకొన్నాము ... అనుకున్న సమయం కంటే కాస్త ఆలస్యంగా చేరుకున్నాను , మేమనుకున్న స్ఫాట్‍కి ... షాపింగ్‍మాల్ రద్దీగా ఉంది , వీకెండ్ కనుక .. అమ్మయికి కాల్ చేశాను .. ఐసిఐసిఐ ఎటిఎమ్ ముందర నిల్చోనున్నాను అంది .వెతుక్కుంటూ వెళ్ళాను ,ఏటిఎమ్ దగ్గరికి ... <br /><br />అక్కడ ఇద్దరు అమ్మాయిలు ఉన్నారు .. అందులో ఒకమ్మాయి సన్నగా , నాజుగ్గా , జుట్టు విరబోసుకొని , కూలింగ్ గ్లాసెస్ పెట్టుకోని అప్సరసలా ఉంది ... మరొక అమ్మాయి , జీన్స్ మీద సల్వార్ కమీజ్ టాప్ వేసుకొని , కాళ్ళకు పట్టీలు పెట్టుకొని , జడ వేసుకోని నుదిటిన కాస్త విభూది మార్క్ కి తోడు , బిందీ కూడా పెట్టుకుంది ... ఇంతటి ఎక్స్ పెరిమెంటల్ వేషధారణ భూప్రపంచంలో చేయగల్గే గట్స్ కేవలం మన తెలుగుమ్మాయిలకే ఉంటుందన్న కాన్ఫిడెన్స్ తో వెళ్ళి " హాయ్ సుజాత " అని పలకరించాను ... <br /><br />" హే విజయ్ ... హౌ ఆర్ యూ ... ఐయామ్ ఫైన్ .. థ్యాంక్స్ " అని విష్ చేసింది .. కుశలప్రశ్నల తరువాత పక్కనున్న రెస్టారెంట్‍కి వెళ్ళి కూర్చున్నాము ... రెండు ఫ్రూట్ జ్యూస్‍లు ఆర్డర్ చేశాను .. రెండు తనే తాగేసింది..తన బాల్యం,కౌమార, యవ్వన దశల్లో జరిగిన వివిధ సంఘటనల సమాహారముతో నాన్‍స్టాప్ గా మాట్లాడుకుంటూ పోయింది ... నిప్పుల మీద కూర్చున్నట్లనిపించింది నాకు ... ఒక స్ట్ర్రాంగ్ టీ ఆర్డర్ చేశాను తలనొప్పి భరించలేక ... " ఒకటే చెప్పావే , నీకొద్దా " అంది .. దీనవదనంతో , రెండు తీసుకురమ్మన్నట్టూ బేరర్‍కి సైగ చేసాను ... <br /><br />" హేయ్ విజయ్ సలీం సినిమా చూశావా ? సూపర్ సినిమా కదు " అంది ..<br /> మూగకేక పెట్టాడు ఆత్మారాముడు ... కంటతడి పెట్టకుండా ఏడ్చాను...<br /> <br />ఇక ఇలా ఐతే లాభం లేదనుకోని , ఆ నిరంతర వాగుడు స్రవంతికి అడ్డుకట్ట వేయాలని డిసైడయ్యి , " వీకెండ్స్ లో ఎం చేస్తుంటావ్ ? " అనడిగాను ..<br /><br />" బట్టలుతుక్కోని , నిద్రపోతానంది " ... <br /><br />అరనిమిషం సైలెంటయిపోయాను ..తేరుకోని " ఆ తరువాత ఎమి చేస్తావ్ అనడిగాను " కూరుకుపోయిన గొంతుతో ..<br /><br />" ఏముంది , ఆరిన బట్టలని ఇస్త్రీ చేసుకోని , మళ్ళి పడుకుంటాను .... " అంది గిగిల్ చేస్తూ ..,<br /><br />" నిన్ను చేసుకుంటే , టైమ్‍పాస్ కాట్లేదని చెప్పి కాలనీ వాళ్ళ బట్టలుతికే రకమే నువ్వు దిక్కుమాలిందానా " అని కసిగా తిట్టుకున్నా లోలోన . బయటికి నవ్వుతూ నటిస్తూ ...<br /><br /> " అలా కాదు సుజతా , నీకంటూ కొన్ని హాబీస్ ఉంటాయి కదా , వాటి గురించి అడిగాను .. " అనన్నాను అసహనంగా ..<br /><br /> " హాబీస్ అంటూ ప్రత్యేకంగా ఎమీ లేవు కాని ... న్యూస్‍పేపర్లు , వీక్లీస్‍లో వచ్చే సినిమా పోస్టర్స్ లో ఉన్న హీరోయిన్లకి , మీసం లేని హీరోలకి మీసాలు, గడ్డాలు గీయడం అంటే చాలా ఇష్టం .. " అంది ముసిముసిగా నవ్వుతూ ...<br /><br /> నాకు బాధతో కూడిన కోపం నషాళానికి ఎక్కింది ...<br /><br />" మరి నీ హాబీస్ ఎంటి విజయ్ ???? అనడగింది ఆ వాగ్దేవి ( వాగుడు + దేవి ) ...<br /><br />" చాలానే ఉన్నాయి .. బాత్రుంలో ఎవరన్నా దూరితే బయటీ నుండి గడి పెట్టేయ్యడం , దుమ్ము పట్టిన కారు అద్దాల మీద పేర్లు రాయడం , ముక్కులో చీపురు పుల్లలు పెట్టుకోని తుమ్మడం , దక్షిణమధ్య రైల్వేస్ టాయిలెట్లలో బూతుబొమ్మలు గీయడం , నీలాంటి అమ్మాయితో హోటల్‍కి వచ్చినప్పుడు బిల్ల్ కట్టకుండా పారిపోవడం etc. " అని వెనక్కి తిరిగి చూడకుండా పరిగెత్తాను..<br /><br />ఇంటికెళ్ళాక మా అమ్మమ్మకి ఫోన్ చేసి " ఇంకా సంబధాలు చూడకండి .. నేను సన్యాసం తీసుకోబొతున్నాను " అని చెప్పి , ఆరంజ్ కలర్ జీన్స్ , టీ షర్ట్ కొనుక్కోవడానికి బట్టల కొట్టుకి బయలుదేరాను ...<div class="blogger-post-footer"><img width='1' height='1' src='https://blogger.googleusercontent.com/tracker/153011670936064625-4466218674465933466?l=gaavukeka.blogspot.com' alt='' /></div>వీజెhttp://www.blogger.com/profile/17597704816278800182noreply@blogger.com17tag:blogger.com,1999:blog-153011670936064625.post-38400036065753393022010-02-24T00:05:00.005+05:302010-02-24T11:41:59.054+05:30నెల రోజుల క్రితం మాట ... సంక్రాంతి పండక్కి ఊరెళ్దామని మా మేనేజర్‍ని వారం రోజులు సెలవడిగాను ... ప్రాజెక్ట్ డెడ్‍లైన్‍లు , వాడికున్న గ్యాస్ ట్రబుల్ , ఆఫీస్ టాయిలెట్‍లో టిష్యూ పేపర్‍ల కొరత మున్నగు అత్యంత కీలకాంశాలు సాకుగా చూపిస్తూ , నా లీవ్ అప్లికేషన్‍ని బుట్టదాఖలు చేసాడు ... <br /><br />ఒళ్ళు మండిన నేను , లంచ్ బ్రేక్‍లో మిగతా కొలీగ్స్ ముందర , నేను రీసెంట్‍గా చూసిన మళయాళం డబ్బింగ్ మూవీలో సురేష్ గోబి విలన్‍ని తిట్టిన అమ్మనాబూతులన్ని మా మేనేజర్‍పై ప్రయోగించాను ... నా గట్స్ కి ఇంప్రెస్స్ అయిన మా కొలీగ్ సుబ్బారెడ్డి , పండక్కి వాళ్ళింటికి భోజనానికి రమ్మని పిలిచాడు ..<br /><br />ఒక బ్రహ్మచారిగా నాకు లబించిన ఈ అరుదైన గౌరవాన్ని , అర్జెంట్‍గా ఎవరితోనైనా పంచుకోకపోతే అజీర్తి చేస్తుందని , నా చిన్ననాటి స్నేహితుడు రాజేష్ గాడికి ఫోన్ చేసి విషయమంతా చెప్పాను ..<br /><br />మాటల మధ్యలో , " పెళ్ళెప్పుడ్రా ??? " అనడిగాడు వాడు ...<br /><br />" అఫ్ఫుడే పెళ్ళెంట్రా నాకు ? అయినా నీకు తెలుసు కదా , బాల్యావివాహాలు చట్టరిత్యా నేరమని .. " అనన్నాను నవ్వుతూ సరదాగా ...<br /><br />" నేనడిగేది నీ పెళ్ళి గురించి రా .. కరెక్ట్ టైమ్‍కి పెళ్ళయ్యుంటే నీకు పుట్టిన పిల్లల పెళ్ళి గురించి కాదు రా ... " అనన్నాడు సకిలిస్తూ ..<br /><br />ఆ అవమానాన్ని భరించలేక పొయ్యాను ... వెంటనే కాల్ కట్ చేసి , వాడి నంబర్‍ని పెర్మనెంట్‍గా బ్లాక్ చేసాను ...<br /><br />పండగ రోజు , సుబ్బారెడ్డింటికి బయల్దేరుతూ , ఒట్టి చేతుల్తో వెళ్తే బాగోదని , ఏమి తీసుకెళ్ళాలో పాలు పోక , పెరుగు తోడేసుకుంటున్న మా అమ్మమ్మకి ఫోన్ చేశాను ..<br /><br />" అమ్మమ్మ ... నా స్నేహితుడింటికి భోజనానికి వెళ్తున్నాను .. ఖాళీ చేతుల్తో వెళ్ళొందంటారు కదా , ఏమి తీసుకువెళ్ళమంటావే ? " అనడిగాను ..<br /><br />" పండగ పూట ఇంటికి రాకుండా , పూటకూళ్ళోడిలా పరాయి ఇళ్ళ మీద పడి తినే ఖర్మేమి పట్టిందిరా నీకు ? ఊరుగాని ఊరిలో ఉద్యోగం వద్దంటే విని చావవు .. నా మాట విని మన ఊరి స్కూల్లో పంతులుగా చేరి , మన దూరపు చుట్టం ప్రభాకర్ గారి అమ్మాయిని పెళ్ళి చేసుకొని హాయిగా ఇంటి పట్టున ఉండొచ్చు కద నాయన ..అమ్మాయి కుందనపు బొమ్మలాగ ఉంటుంది రా.. పైపెచ్చు మొన్ననే పదవ తరగతి ఫస్ట్ క్లాసులో ప్యాసయ్యింది కూడాను ..." అని అంది ...<br /><br />" నీ మాట విని , మైనర్ బాలికని చేసుకున్నాననే కేసులో కటకటాలు లెక్కపెట్టే బదులు , ఇలా ఇళ్ళమీద పడి తినడమే సౌకర్యంగా ఉంటుంది నాకు .. నువ్వసలు సమస్యని ప్రక్క దారి పట్టించే ఎక్స్ పార్టీ ఎమ్మెల్యే లా మాట్లాడకుండా , అడిగిందానికి సమాధానం చెప్పవే ... ఏమి తీసుకెళ్ళాలో చెప్పు ??? " <br /><br />" బహుమతులు , గట్రా అంటూ డబ్బులు దండగా చేసుకోకు నాయన .. అంతగా ఎమన్నా ఇవ్వాలనిపిస్తే భొజనం చేశాక యాభయ్యొక్క రూపాయలు కట్నం చదివించు " అంది ..<br /><br />" నేను వెళ్ళేది శ్రీమంతం ఫంక్షన్‍కో లేక బారసాలకో కాదమ్మమ్మ .. డబ్బులు చదివించడానికి ... అయినా నిన్నడిగాను చూడు ,నాదీ తప్పు .. " అంటూ చిరాగ్గా ఫోన్ కట్ చేశాను ...<br /><br /> చేసేదేమి లేక , ఒట్టి చేతుల్తో వెళ్ళడం ఇష్టం లేక , చేతులకి గ్లోవ్స్ తొడుక్కొని బయలుదేరాను.<br /><br />" సుబ్బారెడ్డింటికి అరగంటలో చేరుకొని , కాలింగ్‍బెల్ కొట్టాను .. " <br /><br />" ఒకావిడ తలుపు తెరిచింది ... గ్లోవ్స్ వేసుకున్న నా చేతులకేసి అనుమానంగా చూసి , మామగారు అని అరిచి పిలిచింది .. వయసులో పెద్దాయనొకాయన లోపలి నుండి వచ్చాడు ... జేబులు కత్తిరించేవాడిని చూసినట్టు అనుమానంగా నన్ను ఎగాదిగా చూశాడు ..<br /> <br /> నేను " అది , ఎందుకంటే .. సుబ్బారెడ్డి ... కొలీగ్ .. అమ్మ .. ఆవు .. బొమ్మా .. బొరుసు .. " అంటూ తెలుగు సీరియల్ పాత్రధారిలా , ఇబ్బందిగా మాట్లాడటం మొదలెట్టాను.<br /><br />ఇంతలో ఆపద్భాందవుడిలా , " రా .. రా .. లోపలికి రా విజయ్ .. " అంటూ లోపలి నుండి వచ్చాడు సుబ్బారెడ్డి ..<br /><br />" నేను చెప్పాను కదా ... నాతో పని చేసే కొలీగొకతను ఈ రోజు భోజనానికి వస్తాడని , తనే ఇతను " ... తన భార్య, నాన్న అంటూ , నన్ను చిరాగ్గా , " దాపురించావా ??" అన్నట్లు చూస్తున్న ఆ ఇద్దరిని నాకు పరిచయం చేసాడు ..<br /><br />ఇబ్బందిగా నవ్వుతూ లోనికెళ్ళి సోఫాలో దిగబడ్డాను ....<br /><br />నేనిప్పుడే వస్తాను , అంతసేపు ఇది చూస్తూ ఉండని తన పెళ్ళి ఆల్బమిచ్చి లోనికి వెళ్ళాడు సుబ్బారెడ్డి , నన్ను హాల్లో వదిలేసి.. ముసలాయన టీవి చూస్తున్నాడు ....<br /><br />" పట్టపగలు అరుంధతి నక్షత్రాన్ని చూపుడు వేళ్ళతో చూపిస్తూ , నవ్వుతూ , దంపతులిద్దరు దిగిన ఫోటొ చూస్తున్నా .. ఫోటొలో, పంతులు వాళ్ళిద్దరి కంటే ఎక్కువగా నవ్వుతూ కనిపించాడు ..బహుశా , పట్టపగలు తనకే కనబడని నక్షత్రాన్ని , కేవలం తన మాయమాటల్లో పడి , కనబడుతున్నట్లు నటిస్తున్న ఆ దంపతులని చూసి నవ్వుతున్నాడు కాబోలు ...<br /><br />నా ఆలోచనకి నాకే నవ్వొచ్చింది ... నా కంటే బిగ్గరగా నవ్వుతూ వినిపించాడు ముసలాయన ... ఏంటా అని చూస్తే , టీవీలో " నేరాలు .. ఘోరాలు " వస్తుంది ... నూతన్ ప్రసాద్ వాయిస్ ఓవర్‍లో సీరియల్‍లో క్యారక్టర్‍లు చేతులు , తలలూపుతూ పెడుతున్న హావభావాలు చూసి నేను కూడా బిగ్గరగా నవ్వాను ...<br /><br />నా నవ్వుకి , ఆ ముసలాయన నా వైపు చిరాగ్గా చూశాడు .... నవ్వడమాపేశాను నేను ... <br /><br />కాసేపాగి , " పెళ్ళయ్యిందా బాబు ?? " అనడిగాడు ముసలాయన ....<br /><br />" ఎవరికండీ ?? " అని తత్తరపాటులో నేనడిగిన ప్రశ్నకి , " నాకు " అని వెటకారంగా సమాధానమిచ్చాడు ముసలాడు ....<br /><br />చేసెదేమి లేక , రాజేంద్ర ప్రసాద్‍లా ఒక నవ్వు నవ్వి , " అబ్బే ! ఇంక కాలేదండి " అని అన్నాను ... <br /><br />" యే పాపం ? ఎందుకు " అనడిగిన ఆ ముసలాడి వాయిస్‍లో వ్రేళ్ళూనికపోయిన వెటకారం తాండవమాడింది ...<br /><br />"ఇంట్లో సంబంధాలు చూస్తున్నారండి ... పిల్ల దొరకగానే పెళ్ళి " అని నా ప్రాసకి లోలోన సంబర పడ్డాను ...<br /><br />" తొందరగా చేసుకో బాబు .. ముదిరిన బెండకాయ , ముదిరిన బ్రహ్మచారి ఎందుకు పనికి రావు బాబు? " అన్నాడు ఈవివి సినిమా డైలాగ్ రైటెర్‍లా , నా బాడీ లోయర్ పోర్షన్‍పై కాన్సెంట్రేట్ చేస్తూ ..<br /><br /> " నేనైతే, నీ వయసుకి తొమ్మిది మందిని కనేసి , ఆపరేషన్ కూడా చేయించుకున్నాను తెలుసా ??? " అన్నాడు మీసం మెలేస్తూ ..<br /><br /> " పందిలా డజన్ల కొద్ది కని , దేశ జనాభా సమస్యని పెంచిపోషించింది చాలక , ఎదో ఘనకార్యం చేసినట్టు మీసం మెలేస్తావేంటిరా ముసలి నక్క .... " అని కసి తీరా తిట్టుకున్న మనసులో ,బయటికి నవ్వుతూ ...<br /><br />" ఏ ఊరోయ్ నీది ? " అని ముసలాడడిగిన ప్రశ్నకి , " రామగుండం , కరీంనగర్ జిల్లా " అని సమాధానమిచ్చాను ...<br /><br /> ఏంటీ ????? అనడిగాడు , టీవీని మ్యూట్‍లో పెడుతూ ..... నేను ఈ సారి పిన్‍కోడ్‍తో సహా అడ్రెస్స్ చెప్పాను ...<br /><br /> " తెలంగాణానా ???????????? " <br /><br />అవును , ఐనా అన్ని క్వశ్చన్ మార్కులెందుకండీ ???<br /><br />" నీకిక పెళ్ళి అయినట్టే ...... ప్రభుత్వం మీకు ప్రత్యేక రాష్ట్ర్రమే ఇవ్వట్లేదు , ఇంకా నీకు పిల్లనెవరిస్తారోయ్ ? తెలియకడుగుతా ... " అన్నాడు వెటకరిస్తూ ..<br /><br />నా కోపం హాల్ సీలింగ్ దాకా చేరింది ... ఎలాగైనా ముసలాడి జుట్టు సంపాదించి , రాత్రికి చేతబడి చేసి , వాడి ఎడమ చెయ్యి ,నోరు పడిపోయేట్టు చేయాలని నిర్ణయించుకున్నాను ..<br /><br />నా కోపం మీద నీళ్ళు జల్లుతూ , ముసలాడి బట్టతలపై , 4 వెంట్రుకలు ఫ్యాన్ గాలికి ఊగుతూ కనబడ్డాయి ... చేసేదేమి లేక , సురేష్ గోబి తిట్లన్ని మనసులో తిట్టుకొని సంత్రుప్తి పడ్డాను ..<br /><br />ముసలాడు దిక్కుమాలిన ఓంకార్ గాడి డ్యాన్స్ షో పెట్టాడు టీవీలో ... నాకున్న కోపానికి చిరాకు , వెగటు , అసహ్యం , జుగుప్సలు జతయ్యాయి , ఆ షో చూస్తుంటే ...<br /><br />క్షణక్షణానికి నా పరిస్థితి క్షీణిస్తుంది ... ఇంతలో నా ఫోన్ మోగింది ... <br /><br />సిగ్నల్ అందనట్టు నటిస్తూ , ఇంటి బయటికి వెళ్ళి వెనక్కి తిరక్కుండా పరుగు తీసాను ...<br /><br />ఆ ముసలాడి బారి నుండైతే తప్పించుకున్నాను , కాని ఒక బ్రహ్మచారిగా సమాజపు సూటిపోటి మాటల నుండి , దురాగతాల బారి నుండి మాత్రం తప్పించుకోలేకపొతున్నాను ... బ్రహ్మాచారి అంటే ప్రతీ వాడికి లోకువే ... " పప్పన్నం గురించి పెళ్ళి చేసుకోమనే వాళ్ళు కొంతమందైతే ..... యవ్వనం , పెట్రోల్ ఎక్కువ కాలం ఉండవని పెళ్ళి పేరిట లేని పోని అనుమానాలని లేవనెత్తే వాళ్ళు ఇంకొంతమంది ... <br /><br />ఈ సాంఘీక దురాచారాన్ని అరికట్టే చట్టమే లేదా ??? సభ్యసమాజపు అసభ్య ధోరణిని ప్రశ్నించే నాథుడే లేడా ? ముదురు బెండకాయలు , పచ్చి కాకరకాయల్లాంటి పదప్రయోగాలపై పోటా లాంటి చట్టాలని ప్రయోగించే వెసులుబాటు లేదా ? తెలుగు సినిమాలో హీరోయిన్‍ ఒంటి నిండా బట్ట కట్టే రోజు రాదా ? ఒక్క అందమైన అమ్మయన్నా మా టీమ్‍లో జాయిన్ కాదా ? మీరు వాడే టూత్‍పేస్ట్ లో ఉప్పు లేదా ? క్షమించాలి , ఫ్లోలో సిలబస్‍లో లేని క్వశ్చన్స్ అడిగేశా ...<div class="blogger-post-footer"><img width='1' height='1' src='https://blogger.googleusercontent.com/tracker/153011670936064625-3840003606575339302?l=gaavukeka.blogspot.com' alt='' /></div>వీజెhttp://www.blogger.com/profile/17597704816278800182noreply@blogger.com19tag:blogger.com,1999:blog-153011670936064625.post-43728589837853673412010-02-15T16:06:00.006+05:302010-02-15T18:54:06.255+05:30అవి నేను డిగ్రీ చదువుతున్న రోజులు ... నేను కాలేజికి హాజరయిన రోజుల సంఖ్యలో నుండి రాష్ట్ర ప్రభుత్వం ప్రకటించే సెలవు దినాల సంఖ్యని తీసివేయగా వచ్చే ఫలితాన్ని ఎల్లప్పుడు ఋణసంఖ్యగా ఉండేట్టు జాగ్రత్త పడుతూ వస్తున్నాను , గత 2 సంవత్సరాల నుండి ... ఇది మూడవ సంవత్సరం , పైపెచ్చు ఆఖరి సంవత్సరం కనుక ఎలాగైనా నా ఈ ట్రాక్‍రికార్డ్ పదిలపరచుకోవాలనే కృతనిశ్చయంతో , మొక్కవోని పట్టుదలతో , ప్రతీ రోజు లాగే " రేపటి నుండి కాలేజికెళ్దాం " పథకం క్రింద , వెచ్చగా ముసుగు తన్నుకు పడుకున్న ఒకానొక రోజది ...<br /><br />" ఒసేయ్ రజిత ... నన్ను వెధవని చేసి ఆ అజయ్ గాడితో కులుకుతావటే ??? నన్ను అమాయకుణ్ణి చేసి ఆడిస్తావటే ??? సోషల్ గేదెరింగ్‍లో అందరు చూస్తుండగా నీ సవరం ఊడిపోతుందే !ఆదిత్య టీవి యాంకర్ నీకు మొగుడిగా దొరకుతాడే ! నువ్వింతకింతా అనుభవిస్తావే ... ఇదే నా శాపం .. ఇదే నా..నా..నా శా ,, శా .. ,శా .. పమ్..మ్..మ్.మ్..మ్ ... "<br /><br />సినిమా థియేటర్ ప్రహారీ గోడనానుకొని ఉండే ఇంట్లో వాళ్ళకు లీలగా వినపడే సినిమా డైలాగులకు మళ్ళే , నాకు పై డైలాగులు వినిపిస్తున్నాయి ...<br /><br />" ఒసేయ్..య్..య్.య్ ర..జి..త..త..త..తా ... " అన్న గావుకేకకి ఈ సారి ఉలిక్కిపడి లేచా .. ప్రక్కకు తిరిగి చూసా ... గాఢనిద్రలో , నాలుక చప్పరిస్తూ రాజేష్ గాడు పెడుతున్న " గావు కలవరింతలు " అవి ..<br /><br />నార్కో అనాలసిస్ టెస్ట్ కి గురవుతున్న పట్టుబడ్డ పాక్ ప్రేరిత ఉగ్రవాది మల్లే , ఎదేదో మాట్లాడుతూ నాలుక చప్పరిస్తున్నాడు .. వాడి ఆర్తనాదలని ఆపడానికి ఎప్పటికి మళ్ళే గట్టిగా ఒక తన్ను తన్నా .. మూలగడం ఆపాడు ... నాలుక ఇంకా చప్పరిస్తూనే ఉన్నాడు ... ఈ సారి లాగి పెట్టి తన్నాను ... తన్ను పని చేసింది .. చచ్చిన శవంలా కదలకుండా పడుకున్నాడు ... <br /><br />హమ్మయ్యా ! అనుకొని ఒక నిట్టూర్పు వదిలి , ముసుగు తన్ని పడుకున్నా .... నేను తన్నిన తన్నుకి దుప్పటి ఎగిరి దూరంగా పడింది ... చేసేదేమి లేక దుప్పటి తీసుకుందామని లేచా ... మసక కళ్ళతో తూర్పు వైపున తెరిచి ఉన్న కిటికీ వైపు చూశా ... సూర్యుడు కనబడ లేదు ... గోడ గడియారంలో టైమ్ 5:౦5 అవుతుంది ... హమ్మయ్యా ఇంకా తెల్లార్లేదనే సంతోషంతో , ఈ సారి ఫీట్లకి పోకుండా దుప్పటి మామూలుగా కప్పుకు పడుకున్నాను ... మెల్లిగా నిద్రలోకి జారుకున్నా ... అలా జారుతున్న నన్ను , తలుపు బాదుళ్ళ శబ్ధాలు లాగి , నిద్ర లేపాయి ... <br /><br />ఎవడయ్యుండచ్చబ్బా ? ఇంత తెల్లారు జాముననుకోని పక్కకి తిరిగి చూశా .. రాజేష్ గాడు ఘాడ నిద్రలో ఉన్నాడు ... చిత్తుగా గుడుంబా సేవించి ఫ్లాట్‍ఫారం మీద పడుకున్న రోజు కూలీలా ఉన్నాడు ...వాడితో పాటు భగవంతుని మీద నాకు కోపం వచ్చింది ... సునామీ తాకిడికి కూడా చెక్కు చెదరని నిద్రని రాజేష్ గాడి లాంటోళ్ళకిచ్చి , చీమ తుమ్మిన ఉలిక్కి పడి లేచే శాపం నాకెందుకు ఇచ్చాడా అనుకోని , నా దురదృష్టానికి స్వీయ సంతాపం ప్రకటించుకొని , ఒక నిమిషం మౌనం పాటించడం మొదలెట్టాను ... ౩౦ సెకన్ల నా మౌనాన్ని చేధిస్తూ , మళ్ళి మొదలయ్యాయి తలుపు వీర బాదుళ్ళు ...<br /><br />ఇంత పొద్దున్నే అంటే , కచ్చితంగా ఇంటి ఓనరయ్యుంటాడు ... అద్దె కోసం వచ్చినట్టున్నాడు కుయ్యా గాడు ... అయిన మొన్ననే మూడు నెలల క్రితమే కదా అద్దె ఇచ్చింది , మళ్ళి అప్పుడే దాపురించాడా దరిద్రుడు , ఇరిటేటింగ్ ఫెలో .. కొట్టి కొట్టి వాడే వెల్లిపొతాడు ... ఇల్లు వానిదే కనుక తలుపులు విరగొట్ట్టుకోని మరీ ఇంట్లోకి దూరే ఛాన్స్ లేదు కనుక , నేను సేఫ్ , అనుకొని సౌండ్ రాకుండా వికటాట్టహాసం చేసాను .. కాసేపటికి తలుపు బాదుళ్ళు ఆగిపోయాయి .. విజయ గర్వంతో ముసుగు తన్నాను ... మళ్ళీ ఎగిరి దూరంగా పడింది , దుప్పటి .. మళ్ళి లేచే ఓపిక లేక , పక్కన రాజేష్ గాడి దుప్పటి లాక్కొని కప్పుకున్నా .... <br /><br />అప్పటి వరకు వున్న దుప్పటి లేని ప్రభావం కాబోలు , రాజేష్ గాడిలో కాస్త చలనం మొదలయ్యింది ... బూడిదలో కుక్కలా అటూ ఇటూ దొర్లుతున్నాడు ... కాసేపాగి మెడ బర బరా గొక్కున్నాడు ... గట్టిగా ఒక నిట్టూర్పు వదిలి , మొలకి కట్టుకున్న తన గల్లా లుంగీని లాగి మొహం మీద కప్పుకున్నాడు ... నేను తక్షణమే స్పందించి , తెలుగు సినిమాల్లో దుండగుల చేతిలో రేపుకి గురయి వివస్త్ర అయిన హీరో సిస్టర్ ఒంటి మీద బట్ట కప్పే సెకండ్ హేరోఇన్‍లా , నా దుప్పటి తో సహా రెండు దుప్పట్లు వాడి మీద కప్పి , గట్టిగా ఊపిరి పీల్చుకున్నా ... చేసేదేమి లేక రెండు చేతులు కాళ్ళ మద్యలో పెట్టుకోని ,బలవంతంగా కళ్ళు మూసుకున్నాను ... బుర్రలో ఎవేవో ఆలొచనలు ఖో - ఖో ఆడుకుంటున్నాయి .. నెమ్మదిగావస్తున్న నిద్రని వృద్ధిలోకి తీసుకొచ్చే ప్రయత్నం చేస్తున్నా ... <br /><br />ఇంతలో మళ్ళీ తలుపు ధబధబలు ఊపందుకున్నాయి ... అగ్నికి ఆజ్యంలా పక్కన రాజేష్ గాడు గురకందుకున్నాడు .. ఒక వైపు తలుపు వీర బాదుళ్ళు , మరో వైపు ఒక నరరూప రాక్షసుడి " హాహాకారాలు " , వెరసి , జుగల్ బంధీ కాంపిటీషన్‍ని తలపించాయి , నాకు తలనొప్పినొదిలేస్తూ ... నా పరిస్థితి నిమిషనిమిషానికి క్షీణిస్తుంది ... ఆస్థిపంపకాల్లో ఇద్దరి పెళ్ళాల మద్యన నలిగిపోతున్న అమాయకపు భర్త పరిస్థితిలా తయారయ్యింది నా పరిస్థితి ... ఒక వైపు తలుపు వీర బాదుళ్ళు మరో వైపు రాజేష్ గాడి " గురకార్తనాదాలు " ... ఇంతటి నాయిస్‌ని అప్పట్లో వచ్చిన తెలుగు సినిమా బ్యాక్‍గ్రౌండ్ మ్యూజిక్‍లో కూడా వినలేదు ... ఆరు నూరైనా ,నూరు నూర్జహానైనా ససేమిరా తలుపు తెరిచెదే లేదు , అని మంకుపట్టు పట్టింది ఓటమెరగని నా మనస్తత్వం ... కనీసం రాజేష్ గాడి గురక తప్పించుకుందామనే ప్రయత్నములో వాడిని ఒకటి లాగి తన్నా ... నా కోపం కాస్త చల్లారింది .. రాజేష్ గాడి గురక తీవ్రత మరింత పెరిగింది ..<br /><br />ఈ సారి తలుపు బాదుళ్ళ శబ్ధం ఆగి , ఇనుప బీరువా జరిపినట్టు కీచు శబ్దాలు వినిపించాయి ... ఎలుకలు అంత్యాక్షరి ఆడుకంటున్నాయి కాబొలు ... " ఈ వారాంతం ఎలుకల మందు కొని , ఎలకలతో పాటు రాజేష్ గాడికి కూడ కాస్త అన్నంలో కలిపి పెడితే పీడా విరగడవుతుంది .." అనే ఆలోచన నన్ను క్షణికానందానికి గురి చేశాయి ...<br /><br />మళ్ళవే శబ్ధాలు ,కీచు రాగంలో...ఈ సారి కాస్త చెవులు రెక్కించి విన్నాను ... " ఒరేయ్ విజయ్‌గా ! తలుపు తియ్యి బే ... నీ యబ్బ ... తియ్యరా తలుపు .. " అన్న మాటలు కీచుగా వినిపిస్తున్నాయి .. ఇంతటి దిక్కుమాలిన గొంతు సునీల్ ’గాడిద’య్యుండొచ్చనే ధీమాతో వెళ్ళి తలుపు తీశా ... నా అనుమానాన్ని నిజం చేస్తూ , " ఎంత సేపు కొట్టాలిరా తలుపు ? "అంటు కోవై సరళ మేల్ వర్షన్‍లా చిరాకు పడుతూ లోనికొచ్చాడు ... వాడి వాయిస్ ముందర రాజేష్ గాడి గురక శివరంజని రాగంలా తోచింది నాకు ...<br /><br />" ఇంత పొద్దున్నే దాపురించావేంది బే ? " అని నిద్ర కళ్ళతో చిరాకు పడ్డాను ..<br /><br />" పొద్దున్నేంది బే ? మధ్యాహ్నం ఒంటి గంటవుతుంటే .... " అన్నాడు ...<br /><br />" ఒంటి గంటా ???? అరగంట ముందర 5 అయ్యింది కదా , పై పెచ్చు తూర్పు కిటికీలో నుండి రోజు కనబడే సూర్యుడు కూడా కనబడలేదే ఈ రోజు ? ... " అన్నాను అసహనంగా ..<br /><br />" సూర్యుడు మీ తూర్పు కిటికీని పొడవడం ... నెత్తిక్కెక్కడం , పొద్దున్నే కూసిన కోడిని మీ ఇంటి ఓనర్ గాడు కోసుకు తినడం కూడా అయిపోయింది ... " అన్నాడు సునీల్ గాడు<br /><br />" ఐతే , ఇంతకు ముందర గడియారంలో చిన్న ముల్లుని పెద్దగా , పెద్దదాన్ని చిన్నగా పొరబడ్డానన్నమాట .. "అని నాలుక కరుచుకున్నా ..కాస్త గట్టిగా కరుచుకోవడం వల్ల నాలుక మీద రెండు పంటి గాట్లు కూడా పడ్డాయి ..<br /><br />" ఈ రోజు కాలేజి లేదా ? " అనడిగాడు సునీల్ గాడు , పడుకున్న రాజేష్ గాడి లుంగీ లాగుతూ ...<br /><br />" ఈ రోజే కాదు , రోజూ ఉంటుంది ... నేనే పోలేదు ... అయినా ఎప్పుడు కాలేజికెళ్లాలని ఈ రోజు కొత్తగా అడుగుతున్నావేంది రా ?? " అన్నాను .. <br /><br />" నీకేమైంది ... రోజు వెళ్ళేవాడివి , ఈ రోజెళ్ళలేదే ? " అనడిగాను తల దువ్వుకుంటూ ..<br /><br />" వెళ్దామనే అనుకొని ఇంటి బయటకొచ్చి చూస్తే , మా వెధవ పెంపుడు కుక్క నా చెప్పులను కొరికి కైమా చెసింది ... టైమ్ కి మా అమ్మమ్మ చెప్పులున్నాయి కనుక సరిపోయింది ... " అన్నాడు గుమ్మం బయట విప్పిన చెప్పులని చూపిస్తూ ..<br /><br />" ఉప్పు సత్యాగ్రహంలో బ్రిటీష్ వాళ్ళు జరిపిన లాఠిచార్జీలో జరిగిన త్రొక్కిసలాటలో దొరికాయి కాబోలు ఆ చెప్పులు , వాళ్ళ అమ్మమ్మకి .. మన దేశ ప్రస్తుత ఆర్థిక పరిస్థితికి నిలువుటద్దాల్లా ఉన్నాయి ఆ చెప్పులు .. "<br /><br />ఆ చెప్పులు చూసి మనసు కరిగిన నేను , " బజారుకెళ్ళి చెప్పులు కొనుక్కుందాం , కాస్త తోడూ రారా " అన్న సునీల్ గాడి అభ్యర్థనని కాదనలేక పోయాను ..<br /><br />నేను స్నాన కార్యక్రమాదులు ముగించుకొని బాత్రూమ్‍లో నుండి బయటికొచ్చా .... రాత్రి మిగిలిన స్టాక్‍తో సహా క్లీన్‍స్వీప్ చేసి , తినడానికి ఇంకేమి దొరకక , పాత చింతపండు ముక్కని చప్పరిస్తూ కిచెన్‍లో నుండి బయటికోచ్చాడు , సునీల్ గాడు ...<br /><br />ఒరేయ్ బక్క బకాసురా ! కనీసం చింతపండన్నా వదిలెయ్యరా .. నువ్విలా " కాదేది తినననర్హం " పథకం క్రింద ,మీ పెంపుడు కుక్క బిస్కెట్‍లు తినకపొయి వుంటే ఇప్పుడు నీ బతుకు ఇలా కుక్కలు చింపిన చెప్పుల్లా తయారయ్యి ఉండేదా ? చెప్పు ? అన్నాను తల తుడుచుకుంటూ ....<br /><br />" సర్లే తొందరగా పదా ... లేటవుతుంది ... సాయంత్రం " ఇనుప రేకులు " సీరియల్ టైముకల్లా వెనక్కి వచ్చేయ్యాలి మనం ... అసలే చాలా ఇంపార్టంట్ ఎపిసోడ్ ఇవ్వాళ ... సీరియల్‍లో హీరోయిన్ తన మూడో మొగుణ్ణి వదిలేసి మాజీ ప్రియుడితో వెళ్ళిపొతుందా , లేక రెండో పెళ్ళాన్ని వదిలేసి తన వెంట పడుతున్న మన్మథ రావుని తన జీవితంలోకి ఆహ్వానిస్తుందా ?? అనే సస్పెన్స్‍కి ఈ రోజుతో తెరపడుతుంది " అన్నాడు చింతపండు మీద ఉప్పు జల్లుకుంటూ ...<br /><br />వాడి మాటళ్ళో పడి చొక్కా మీద బనియన్ వేసుకున్నాను .... <br /><br />" రాజేష్ గాడిని కూడ , కూడా తీసుకెళ్దాం , మంచి బేరగాడు .." అన్నాడు రాజేష్ గాడి లుంగీ లాగుతూ ...<br /><br />" వాడిని లేపే ప్రయత్నంలో , అలసిపోయి , నువ్వు పడుకుంటావే గాని వాడు లేచే ప్రసక్తే లేదు " అన్న నా హెచ్చరికని గౌరవించి మళ్ళీ చింతపండు నాకడంలో నిమగ్నమయ్యాడు సునీల్ గాడు ..<br /><br />" మా ఈ గోళతో ఎలాంటి సంబందం లేదన్నట్టుగా , ఈజిప్షియన్ మమ్మీలా కదలకుండా పడుకున్నాడు " రాజేష్ గాడు ..<br /><br /> డ్రెస్స్ అప్ అయ్యి , దగ్గరున్న ఆటో స్టాండ్‍కి బయళ్దేరాం ఇద్దరం ...<br /><br />ఆటొవాడితో రూపాయి , అర్థణా అంటు బేరానికి దిగాడు , సునీల్ గాడు ... నాకు ఎందుకో ఎడమ కన్ను కొట్టుకుంటుంది , మనసేదో కీడు శంకించింది ...<br /><br />వెనక నుండి ఎవరో భుజం తట్టినట్టనిపించి , ప్రక్కకి చూసా ... ఎవరూ కనబడలేదు ... తిరగాల్సింది ప్రక్కకి కాదు , వెనక్కని గ్రహించి వెనక్కి తిరిగి చూశా ... <br /><br />నాగరాజు గాడు , నా హైస్కూల్ మేట్ ... పేరుకు తగ్గట్టే పాములాంటోడు , కాకపొతే ఈ పాము మన్ను తిన్న మంజరి పాము లాంటిది ... సొంతింటికి కన్నం వెయ్యబోయి , పక్కింటోళ్ళకు పట్టుబడి కటకటాలు లెక్కబెట్టి ఈ మధ్యే బయటికొచ్చాడు ... <br /><br />" యేందిరా భయ్ ? గిక్కడేమ్ జేస్తుళ్ళు బే ... గీ హౌళా గాన్తోటి యేడికి పోతానవురా ? " అంటూ తన పసిడి వర్ణ దంత శోభని చూపిస్తూ నవ్వాడు , అన్ అఫీషియల్ పాన్‍పరాగ్ బ్రాండ్ అంబాసిడర్ లా ..<br /><br />" హౌళా సునీల్ గాడు చెప్పులు కొందామంటే బజారుకి వెళ్తున్నాము ... " అన్నాను ..<br /><br />" ఫాళ్తూ గాళ్ళ లెక్క ఉన్నరేందిరా భయ్ ? చెప్పులు కావాలంటే గుడికి పోవాలె గాని , గిట్ల బజారుకు పోయి పైసలు పెట్టి కొనడమేందిరా భయ్ ? అన్నాడు , సునీల్ గాడి భుజం మీద చెయ్యేస్తూ ...<br /><br />ఇవేమి పట్టించుకోకుండా రూపాయి తగ్గించమని ఆటోవాడితో అసెంబ్లీ ఆర్గ్యుమెంట్ చేస్తున్నాడు సునీల్ గాడు ..<br /><br />నాగరాజు గాడు జోక్యం చేసుకోని " నువ్వాగురా సునీల్ గా ! నేను మాట్లాడుతా ఉండు ... నీకసలే దిమాక్ తక్కువ .. " అంటూ ఆటోవాళాతో బేరానికి దిగాడు ...<br /><br />తలా ఒక్కింటికి ౩ రూపాయల కంటే తక్కువ తీసుకోనని మంకుపట్టు పట్టాడూ ఆటోవాడు ...<br /><br />" అరే గిట్ల కాదు గాని , ముగ్గురికి కలిపి 10 రూపాయాలిస్తాం .. లొల్లి జెయ్యకుంటా బండి ఇస్టాట్ జెయ్యి .. " అన్నాడు నాగరాజు గాడు పాన్‍పరాగ్ ప్యాకెట్ చించి నోట్లో వేసుకుంటూ ..<br /><br />" కాదు .. కాదు .. తొమ్మిదిన్నరిస్తా " అంటూ తన కక్కుర్తి , మూర్ఖత్వం ఏకకాలములో చాటాడూ సునీల్ గాడు ...<br /><br />పోలీస్ రైడింగ్‍లో రెడ్ హ్యాండెడ్‍గా పట్ట్టుబడ్డ విటునిలా నిశ్చేష్టున్నయి చూస్తున్నాను ఈ దారుణాన్నంతా , ఏమీ దిక్కు తోచక ...<br /><br />నేను తేరుకునేలోపే , మమ్మల్ని ఎక్కించుకొని ఆటొవాడు డైరెక్ట్ నాలుగవ గేర్‍లో బండి స్టార్ట్ చేసి పోనిచ్చాడు ... నాగరాజు గాడు రన్నింగ్‍లో ఎక్కాడు ..<br /><br />ఆటో వెళ్తూ ఉంది ... కాసేపు నిశ్శబ్ధం రాజ్యమేలింది మా మధ్యన ... మనసు ప్రశాంతంగా ఉంది .. మాటల్లో చెప్పలేని ఆనందం అది .. <br /><br />నిశ్శబ్ధాన్ని ఛేదిస్తూ " ఎక్కడికి బయల్దేరావురా నాగరాజు గా ? " అనడిగాడు సునీల్ గాడు ..<br /><br />శ్రీదేవి థియేటర్‍కి పోతున్నా ... " వయసు కరిచింది" అని మళయాళం డబ్బింగ్ సినిమా ఆడుతుందట ... షకీలా ఉందట సినిమాలో అన్నాడు కన్ను గీటుతూ ..<br /><br />" నేను కూడ వస్తా మామ ... చెప్పులు కొనుక్కొని వెళ్దాం ... ఎమంటావురా విజయ్‍గా ? " అంటూ నా వైపు తిరిగాడు సునీల్ గాడు ..<br /><br />" మరీ సాయంత్రం నువ్వ్వు చూడాల్సిన సీరియల్ సంగతో ? " అన్నాను అనుమానంగా <br /><br />" దిక్కుమాలిన సీరియల్ ఎప్పుడైనా చూడొచ్చు ... షకీలా సినిమానట మామ..మ..మ..మ " అన్నాడు కారుతున్న చొంగ తుడుచుకుంటూ ..<br /><br /> నా అర్థాంగీకారాన్ని మౌనంగా వ్యక్తపరిచా ,చొంగ కారకుంటా జాగ్రత్త పడుతూ ....<br /><br />" సార్ .. సినిమా జబర్దస్తుగుంది , మొన్ననే జూసిన ... షకీలా పక్కన హీరో అచ్చం గీ సార్ లాగనే ఉండు " అంటూ నాగరాజు గాడి వైపు చూపించాడు ఆటోవాడు .. <br /><br />సునీల్ గాడు ఫక్కున , నేను బిగ్గరగా నవ్వాను ఆటోవాడి మాటలకి ... నాగరాజు గాడు సన్నగా సకిలించాడు ...<br /><br />చెప్పల్ బజార్‍లో దిగాము ఆటో ... దాదాపు అక్కడున్న అన్ని షాపులు తిప్పాడు మమ్మల్ని సునీల్ గాడు , ఎక్కడా బేరం కుదరక .... వాడికి చెప్పులు కొనే ప్రయత్నములో తిరిగి తిరిగి మా చెప్పులు అరిగిపోయాయి ...<br /><br />" రూపాయి , రెండు రూపాయల దగ్గర కిరికిరి యేంది రా భయ్ ?? ఖంజూస్ సాలే ! సినిమా టైమ్ అయితాంది రా , తొందరగా కొనురా భయ్ .. " అని పాన్‍పరాగ్ తుప్పిళ్ళు సునీల్ గాడి మొహం మీద పడేట్టు గట్టిగా అరిచాడు నాగరాజు ...<br /><br />ఆఖరి ప్రయత్నంగా బాటా షోరూమ్ కెళ్ళాం ... వాడికి నచ్చిన చెప్పులు వేసుకోని రెండు రౌండులేసి , మా ఇద్దరి వైపు చూసి ఎలాగున్నాయన్న ఒక ఎక్స్‌ప్రెషనిచ్చాడు సునీల్ గాడు... ఇంకా వాడితో తిరిగే ఓపిక లేక , ఆ చెప్పులు వాడి కాళ్ళకి చండాలంగా ఉన్నా బాగున్నాయన్నట్టుగా తలలూపాము ... ధర కేవలం 999.9999 రూపాయలు మాత్రమే అని వున్న ప్రైస్ ట్యాగ్‍ని చూస్తు ఇచ్చే ధర చెప్పు అనడిగాడు సేల్స్ మెన్‍ని ...<br /><br />" ఇక్కడన్ని ఫిక్స్ డ్ రేట్లు సార్ , నో డిస్కౌంట్ " అన్నాడు సమాధానంగా సదరు సేల్స్ మెన్ ..<br /><br />" అలా కాదు కాని , 500 ఇస్తా ఫైనల్ గా " అని అన్నాడు సునీల్ గాడు , ఇల్లు కాలిపొతున్నా ఫైరింజన్‌కి మిస్డ్ కాల్ ఇచ్చే తన వ్యక్తిత్వాన్ని ప్రతిబింబించేలా .. <br /><br />" మీరు చెప్పిన ధరకు ఒక చెప్పు మాత్రమే ఇవ్వగలను , సార్ " అన్నాడు సేల్స్ మెన్ తన మండిన ఒంటిని చల్లార్చుకుంటూ ...<br /><br />నోటి నిండా గుట్కా ఉండటం మూలానా నాగరాజు , నోట్లొ మాట బయటికి రాక నేను మూగ ప్రేక్షకుళ్ళా విస్తుపోయి చూస్తూ ఉన్నాం ఆ దారుణాన్నంతా ...<br /><br />" ఫైనల్‍గా 599 ఇస్తా , ఇచ్చేయ్ ... " అని బేరమాడడంలో వెళ్ళూనీకపోయిన తన గజిని మొహమ్మద్ లాంటి పట్టుదలని చాటుతూ ...<br /><br />" థూ .. దీనమ్మా జీవితం " అంటూ బయటికెళ్ళాడు నాగరాజు గాడు .. చేసేదేమిలేక , కంటతడితో ,ముక్కు ఎగచీదుకుంటూ నాగరాజు గాడిని ఫాలో అయ్యాను ..<br /><br />" ఆగరా ..నేను వస్తా " అన్న నా మాట ఖాతరు చేయక , వెనక్కి తిరిగి చూడాకుండా , ఆటొ ఎక్కి వెళ్ళిపోయాడు నాగరాజు గాడు ..<br /><br />నాకేం చేయాలో పాలు పోలేదు ... మిట్ట మధ్యాహ్నం నెత్తిన ఎండకి మాడు కాలి పొతుంది ... ఆల్రెడీ ఒకవైపు సునీల్ గాడి టార్చర్‍కి తల బొప్పి కట్టింది ... నోరెండుకుపోతుంది .. అవసరం తీరాక ,విలన్ చేతిలో మోసగించబడీ ఊరిగాని ఊరిలో వదిలేయబడిన తెలుగు సినిమా హీరో చెళ్ళెలిలా ఉంది నా పరిస్థితి ...<br /><br /> ఎడారిలో ఒయాస్సిస్‌లా , కాస్త దూరంలోనా కంటపడింది ఒక " సోడాబండి " ... పరుగెత్తుకు వెళ్ళి ఒక " నిమ్మసోడా " అనడిగా బండి వాడిని ... " కిచ్చాక్ క్ క్ క్ క్ క్ క్ క్ క్ క్ " అని వాడు సోడా కొట్టిన సౌండ్‍కి , అంత నీరసంలో కూడా అప్రయత్నంగా ఒక నవ్వు వచ్చింది నా మొహానా ... ఎత్తిన సోడా దించకుండా తాగా ... ప్రాణం లేచొచ్చినట్టనిపించింది ..మరో సోడా తాగి దగ్గరున్న బస్టాండ్ వైపు బయలుదేరా ... <br /><br />" గోళీసోడెయ్..య్..య్..య్..య్ " అన్న సోడాబండి వాడి అరుపు బ్యాక్‍గ్రౌండ్‍లో వినిపిస్తుంది ... <br /><br />నేను మనసులో " గోళీసోడెయ్..య్..య్..య్ " అనుకుంటు వాడికి కోరస్ అందుకున్నా ....<div class="blogger-post-footer"><img width='1' height='1' src='https://blogger.googleusercontent.com/tracker/153011670936064625-4372858983785367341?l=gaavukeka.blogspot.com' alt='' /></div>వీజెhttp://www.blogger.com/profile/17597704816278800182noreply@blogger.com9tag:blogger.com,1999:blog-153011670936064625.post-71226792143866374492008-06-23T15:44:00.015+05:302010-02-15T15:39:51.893+05:30ఆదివారం , 11 : 30 AM ...<br /><br />ఆదివారం సెలవు అనే ఆనందాన్ని రేపటి నుండి మళ్లీ ఆఫీసుకెళ్ళాలనే బాధతో దిగమింగుతూ నిద్రలేచే విధివంచితుల్లో నేను ఒక్కన్ని ... ఒక వైపు హాంగోవర్ మరోవైపు ఆకలి బాధను భరిస్తూ దీనికంతటికి కారణమయిన చందు గాన్ని నానా శాపనార్థాలు పెడుతూ బెడ్ మీద నుండి లేచా ..<br /><br />ప్రస్తావన వచ్చింది అని కాదు కాని చందూ గాడి గురించి ఎంత చెప్పుకున్న తక్కువే వాడి గురించి మొత్తం తెలుసుకోవాలంటే ఇలా టపాలు కాదు ఒక పుస్తకమే రాయాలి ..<br /><br />“ కాదేది తాగాననర్హం “ అనుకునే వాళ్ళలో మేలిమి రకం వీడు ... విస్కీ లో పాలు , బ్రాందీ లో పచ్చి పులుసు , వోడ్కా లో టీ ఇలా చెప్పుకుంటూ పోతే వీడి భారిన పడని ద్రవ పదార్థం అంటూ లేదు ఈ భూప్రపంచంలో ...<br /><br />కంపెనీ ఇవ్వకపోతే విస్కీ పోసుకొని తగలబెట్టుకుంటానన్నవాడి బెదిరింపులకు లొంగి... ఎప్పటి లాగే వాన్ని వదిలి చరణ్ గాడితో తో సెట్ అయిన వాడి ఎక్స్ గర్ల్‌ఫ్రెండ్ స్టోరి వింటూ... అది విని తట్టుకోవల్సిన మనోధైర్యాన్ని తెచ్చుకునే ప్రయత్నములో అప్రయత్నముగానే శక్తికి మించిన డోసు పట్టించా ....<br /><br />సీన్ కట్ చేస్తే , భారంగా నిద్రలేచి , పడి లేస్తూ హాల్ లోకి వచ్చి సోఫా లో కూర్చోన్నా ...అలవాటుగా పక్కన్నే ఉన్న పేపర్స్ లో ఇంగ్లీష్ పేపర్ తెరిచి హెడ్‌లైన్స్ ఏంటో చూద్దామని చదవడం మొదలు పెట్టా ... పేపర్ చదివి ఇంగ్లీష్ నేర్చుకోవచ్చు అన్న అపోహతో ఇంగ్లీష్ పేపర్ సబ్‌స్క్రైబ్ చేసే జనబాలో నేను చేరి ఇప్పటికీ 3 నెలలు ....ఎప్పటి లాగే ఏమీ అర్థం కాకా " పరభాషను పరాయి స్త్రీని కన్నెత్తి చూడకూడదు “ అని సంతృప్తి పడుతూ పక్కనే ఉన్న ఈనాడు పేపర్ తెరిచా …<br /><br />" ఇక హెల్మెట్ తప్పనిసరి ... హెల్మెట్ లేకుంట బండి నడిపితే 500 రూపాయల జరిమాన " అన్న హెడ్‌లైన్ చూసి అప్రయత్నంగా వచ్చిన నవ్వును ఆపుకుంటూ... " గత 5 సంవత్సరాలుగా లైసెన్స్ లేకుంట బండి నడిపితే లేని ఫైన్ ఇప్పుడు హెల్మెట్ లేకుంటే నట ? ఏంటో పిచ్చి ప్రభుత్వం.... " ఐనా నా లాంటి డైహార్డ్ బైకర్స్ కి హెల్మెట్ అవసరమా ? నెవర్ ! " అనుకుంటూ మేన్ పేపర్ గిరాటూ వేసి పక్కనే ఉన్న సన్‌డే స్పెషల్ తెరిచా...<br /><br />2,3 పేజీల మినహా మిగతాది అంత హెల్మెట్ గురించే .. హెల్మెట్ కంపనీ లు డబ్బులు ఇచ్చి మరి రాయించుకున్నటూ ఈ ఆర్టికల్ .. చేసేదేమీ లేక పేజీలు తిరగేస్తూ కొంత వింతగా అనిపించి " సంజీవనీ ఈ హెల్మెట్ " అనే టాపిక్ దగ్గర ఆగాను …. హెల్మెట్ అవసరం అది వాడకుంటే కలిగే కష్ట నష్టాల గురీంచి ఎవడో గాని గణాంకలతో సహా తినేసాడు ... హెల్మెట్ వాడకుంట డ్రైవ్ చేస్తే నగర కాలుష్యానికి చర్మ &amp; శ్వాస సంబందిత క్యాన్సర్ ల తో పాటు ఏయిడ్స్ కూడా రావొచ్చు అని వాడు ఇచ్చిన ఇన్ఫర్మేషన్ నన్ను కంగారు పెట్టి హెల్మెట్ వైపు ఆలోచించే దిశగా ప్రేరేపించాయి .. ముఖ్యంగా యువకుల్లొ వచ్చే చర్మ , కేశ సంబంధిత సమస్యల గురించిన టాపిక్ చదివి అద్దం ముందుకు పరిగెత్తా ..<br /><br />" వానకి తడిసి , ఎండకి ఎండి , చలికి ఒణికి అనావృష్ఠి పాలైన వరి పంటలా తయారయ్యింది నా జుట్టు పరిస్థితీ ... మొహం మీద పొలుసులు చూసి పున్నమినాగు సినిమా లో చిరంజీవి గుర్తొఛ్చాడు నాకు ... నాకు పట్టిన ఈ గతికి నా మీద నాకె జాలి వేసి .. ఇక హెల్మెట్ కొందామని డిసైడ్ అయ్యా …<br /><br />మధ్యాహ్న భోజన పథకాన్ని ముగించుకొని హెల్మెట్ కొందామని బయలుదేరుతూ , ఇంటి బయటకి వొచ్చి బైక్ తీసి ఇగ్నీషన్ ఆన్ చేసా … అప్పటి వరకు గాఢ నిద్ర లో ఉన్న బైక్ ఒక్కసారిగా ఉలిక్కిపడి నా వైపు దీనంగా చూస్తూ " ఒరేయ్ ! పాపాత్ముడా ! ఆదివారం కూడా వదలవా రా ?నాశనమైపోతావురా " అన్నట్టు ఎక్స్‌ప్రెషన్ ఇచ్చింది ...<br /><br />పాపం బైక్ దీనస్థితి చూసి జాలేసింది ... మందు పెట్టిన కుక్కలాగా తయారయ్యింది దాని వాలకం ... దాని మొహం మీద గుడ్డవేసి ఆల్‌మోస్ట్ 6 నెలలు అయ్యింది ...స్టార్ట్ చేద్దామని కిక్ కొట్టా..ఊహు లాభం లేదు .. 10,12 కిక్ ల తర్వాత .. వచ్చే వారం తప్పకుండా సర్విసింగ్ ఇస్తా అని దేవుని మీద ప్రమాణం చెయ్యించుకొని మరి స్టార్ట్ అయ్యింది .. పాపం పిచ్చి ప్రాణి !! ఎప్పుడు అర్థమవుతుందో దీనికి నా వాగ్ధానాలు కూడా ప్రభుత్వం ఇచ్చే " ఉచిత విద్యుత్ పథకం " లాంటివేనని ..<br /><br />బిక్షాటనానికి బయలుదేరిన బౌద్ధ సన్యాసికి మల్లె దిశా నిర్దేశం లేకుంట సాగుతున్న నా బైక్ యాత్రను , తార్నాకా ఫుట్‌పాత్ మీద ఉన్న హెల్మెట్ స్టోర్ ఆపింది ..<br /><br />పొద్దుంనుండి ఏ బకరా దొరకలేదేమో ….నన్ను చూడగానే ఆనందంతో రెండు పిల్లి మొగ్గలు వేశాడు ఫుట్ పాత్ హెల్మెట్ స్టోర్ ఓనర్ ..<br /><br />" ఆఓ సాబ్ , జబ్బర్దస్థ్ హెల్మెట్ లు సాబ్ " అంటూ సకిలించాడు..<br /><br />“ ఏక్ దమ్ సాలిడ్ హెల్మెట్ హైన్ సాబ్ … బండ లాగా ఉంటది ..ఏక్ దమ్ గ్యారెంటీ మాల్ .. నీకి నాకీ భరోసా ఇస్తాయి “ అన్నాడు తెలుగుర్దూలో ..<br /><br />“ నీ నాకుడు ఆపి హెల్మెట్ లు చూపించార అక్కు పక్షి .. బండలు కాదురా ముండాకోర్ “ ఆని అనడం ఆలస్యం ఒక్కొక్కటిగ హెల్మెట్ లు చూపించడం మొదలెట్టాడు ...1,2,3 … పెరుగుతూ పోతుంది నేను ట్రై చేసే హెల్మెట్ ల సంఖ్య .. అదేదో నచ్చక కాదండోయి… పట్టక …<br />ఈ విషయం లో కొంచెం క్లారిటీ రావాలంటే మీకు నా తల గురించి చెప్పాలి ..<br /><br />"తల గుండ్రంగా ఉంటుంది "అన్న సిద్దాంతానికి మినహాయింపు నేను. కోడిగుడ్డు అంటే చిన్నగా ఊహించుకుంటరేమో ..<br />ఇంచుమించు కొబ్బరిబొండం సైజ్ , కోడిగుడ్డు ఆకారం లో ఉంటుంది నా తల…<br /><br />వాడి దగ్గర ఉన్న మోడెల్ లు అన్ని ట్రై చేసి ఆఖరి ప్రయత్నముగా , ఉన్న వాటిలో పెద్ద సైజ్ హెల్మెట్ ని తలకు అతి కష్టం మీద తొడిగిచ్చాడు … "చావు తప్పి కళ్ళు లొట్ట లు పడటం "అంటే ఏంటో ఆ క్షణాన అర్థం అయ్యింది నాకు ..టైమ్ బాగుండి హెల్మెట్ బయటికి రాకపోతే “ హెల్మెట్ ధరించబోయి దుర్మరణ పాలైన యువకుడు “ అన్నావార్త మర్నాడు దాదాపు అన్ని రకాల పత్రికల్లో వచ్చేదేమో ...<br /><br />“ సాబ్ .. జిందగీల గిట్లాంటి తలకాయ చూడలే...డైరెక్ట్ కంపనీ కి ఆర్డర్ చేసి తయారు చెయ్యించాలి సాబ్ మీకు హెల్మెట్ .. ఎందుకైనా మంచిది ఒకసారి కోటి ల ట్రై జెయ్యుండ్రి .. హక్కడ ఐతే కంపనీ షోరూంలు ఉంటాయి .. కిస్మత్ మంచిగుంటే మీ సైజ్ హెల్మెట్ దొరకొచ్చు “ అని సకిలించాడు ...<br /><br />అవమానంతో కూడిన దుఃఖాన్ని దిగమింగుతూ ఒక్క క్షణం కూడా ఆలస్యం చెయ్యకుండా ఆఘమేఘాల మీద అక్కడినుండి కోటి కి బయల్దేరా … ఎలాగైనా నా సైజ్ హెల్మెట్ కొని వాడికి తగిన గుణపాఠం చెప్పాలనే ప్రతీకారేచ్ఛతో కోటికి చేరుకున్నాను ..<br /><br />ప్రభుత్వం బియ్యం,కిరోసిన్‌లతో పాటు హెల్మెట్ లను కూడా చేర్చిందేమో కాబోలు... జనాలు రేషన్ షాప్ ముందర నిలబడ్దట్టు బారులు తీరారు హెల్మెట్ షాప్ ల ముందర .. <br /><br />జన సంద్రాన్ని ఈదుకుంటూ ఎలాగో అలా లోపలికి చేరుకొని అక్కడున్న సేల్స్ బోయ్ కి హెల్మెట్ చూపించ మన్నట్టు సైగ చేసా …<br /><br />ఎలాగైనా నాతో హెల్మెట్ కొనివ్వాలన్న వాడి ఉత్సాహం ఎంతో కాలం నిలవలేదు .. ఉన్న స్టాక్ మొత్తం ట్రై చేసి విసిగిపోయి ..<br />" చివరగా ఇది ట్రై చెయ్యండి సార్ ... డిస్‌ప్లే గురించి కంపనీ ప్రత్యేకంగా తయారు చేయించింది.. మామూలుగా ఐతే రెండు తలకాయలు పట్టగా కొద్దిగా ఖాళీ మిగిలుతుంది.. ఇది కూడా పట్టకపోతే నేను ఏమీ చెయ్యలేను సర్ .. మానవ ప్రయత్నానికి కూడా ఒక హద్దు అంటూ ఉంటుంది సార్ , పెద్ద మనసు చేసుకొని మీరే అర్థం చేసుకోవాలి అని కంటతడి పెట్టుకున్నాడు ...<br /><br />" హమ్మయ్య .. కొద్దిగా టైట్ అయినా పట్టింది .. "<br /><br />ఆ క్షణాన చూడాలి ఆ సేల్స్‌మెన్ మొహంలో ఆనందం ... పెళ్ళైన పది సంవత్సరాలకి మొదటిసారి గర్భవతి అయిన స్త్రీకి కల్గె ఆనందానికి ఏ మాత్రం తీసీపోకుండా ...<br /><br />ఎలా ఉందో చూసుకుందామని అద్దం ముందుకు వెళ్ళి నిలబడ్డా... అద్దం లో నా వెనక ... వస్తున్న నవ్వును చేతులు అడ్డం పెట్టుకొని మరి ఆపుకుంటున్న సేల్స్ గర్ల్స్ కనిపించారు ... ఎందుకు నవ్వరు ?.. నాకె నవ్వు వచ్చింది నా అవతారం చూసి ... గాలికి స్పేస్ సూట్ చిరిగి పోయి ఒక్క హెల్మెట్ మాత్రం మిగిలినట్టు ఉన్న వ్యోమగామి లాగా ఉంది నా అవతారం ..<br /><br />హెల్మెట్ వాడటం మొదలెట్టి ఇప్పటికీ 5 సంవత్సరాలు ... దాన్ని వాడటం వల్ల వచ్చిన ప్రయోజనాలు పక్కన పెడితే కనీసం ఎండు గడ్దిలాగైన ఉండే నా జుట్టు సగం కొట్టుకపోయి దివాలా దిశగా పయనిస్తుంది .. ఎక్స్‌ట్రా లార్జ్ హెల్మెట్ దెబ్బకి మెడ నరాలు చేతులెత్తేశాయి … మున్ముందు శరీరంలో ఇంకెన్ని అవయవాలు చేతులెత్తేస్తాయో చూడాలి ...<div class="blogger-post-footer"><img width='1' height='1' src='https://blogger.googleusercontent.com/tracker/153011670936064625-7122679214386637449?l=gaavukeka.blogspot.com' alt='' /></div>వీజెhttp://www.blogger.com/profile/17597704816278800182noreply@blogger.com13